ER: YAG

Oxygen էսթետիկ և բժշկական կենտրոնը շուտով կհամալրվի  QuantaSystem աշխարհահռչակ իտալական ընկերության  Light EVO Series  նորագույն  սարքով, որը հագեցած է մի շարք հնարավորություններով․

• ալեքսանդրիտային մազահեռացում
• երիտասարդացում
• պիգմենտների հեռացում
• մաշկի լազերային հղկում և այլն։

Սարքը համալրված է ER: YAG լազերային համակարգով, որի շնորհիվ իրականացվում է  աբլացիոն և ոչ աբլացիոն մաշկի հղկում։ ER: YAG համակարգի միջոցով հնարավոր է առանց մաշկի արտաքին շերտը վնասելու ներթափանցել խորը շերտեր և խթանելով այդ շերտերում կոլագենի սինթեզը շատ կարճ ժամկետներում ստանալ մաշկի նույնիսկ խորը կնճիռների շտկում, դեմքի օվալի վերկանգնում, պարանոցի, դեկոլտեի, ձեռքերի շրջանում  մաշկի գույնի և տեքստուրայի լուրջ փոփոխություններ:

ER: YAG համակարգն իր հնարավորություններով գերազանցում է նախկինում կիրառվող CO2 լազերային հղկման մեթոդին։ Ֆրակցիոն ոչ աբլացիոն ռեժիմը թույլ է տալիս առանց էպիդերմիսի վնասման հասնել մաշկի զգալի երիտասարդացման, որի արդյունքը պահպանվում է մի քանի տարի։ Աբլացիոն հղկման ժամանակ հնարավոր է ազատվել մաշկի ավելի կոպիտ թերություններից՝

• պիգմենտների վերացում
• պոստակնե սպիներ
• կնճիռների հարթեցում
• մաշկի ձգում (լիֆթինգ):

Ուրվագծային (կոնտուրային) պլաստիկա

ՖԻԼԼԵՐ

Ներարկվում է հիալուրոնաթթու` հարքթային, ծնոտային, այտերի և շրթունքների  հատվածներում: Ֆիլլերների միջոցով կատարվում է դեմքի ուրվագծի` օվալի շտկում և երիտասարդացում: Նյութը դերմայում երկար է պահպանվում:

Բոտուլինոթերապիա

ԲՈՏՈՒԼԻՆՈԹԵՐԱՊԻԱ | ԲՈՏՈՔՍ

Ներարկվում է A տիպի բոտուլոտոքսին, որը կիրառվում է ճակատի շրջանի, միջհոնքային և աչքերի շուրջ առաջացած կնճիռների հարթեցման նպատակով: Պրոցեդուրան ապահովում է միմիկական կնճիռների վերացումը որոշակի ժամկետով:

ՄԵԶՈԲՈՏՈՔՍ

Ներարկվում է A տիպի բոտուլոտոքսին մեզոթերապևտիկ նյութի հետ համակցված, որը հարթեցնում է մանր կնճիռների ցանցը:

Պլազմոթերապիա

ՊԼԱԶՄՈԼԻՖԹԻՆԳ

Երիտացարդացնող պրոցեդուրա է, որի ընթացքում օգտագործվում է այցելուի սեփական արյան պլազման, որը ներարկվում է մաշկի տակ՝ ապահովելով մանր կնճիռների հարթեցում, խոնավեցում, նպաստում է մաշկի գույնի, կառուցվածքի բարելավմանը և պիգմենտային բծերի վերացմանը: Պրոցեդուրան խթանում է բջիջների աշխատանքը և կտրուկ դանդաղեցնում մաշկի ծերացումը:

OXYGEN էսթետիկ և բժշկական կենտրոնում իրականացվում է նաև գլխի մազածածկույթի պլազմոլիֆթինգ, որն ամրացնում է մազերի ֆոլիկուլները՝ խթանելով մազերի աճը: Պլազմոլիֆթինգը կիրառվում է դեմքի, պարանոցի, դեկոլտեի և գլխի մազածածկ հատվածների համար:

ՊԼԱԶՄՈԳԵԼ | ԲԻՈԼՈԳԻԱԿԱՆ ՖԻԼԼԵՐ

Պատրաստվում է տեղում, հաճախորդի արյան պլազմայից՝ համապատասխան սարքավորումների միջոցով: Պատրաստված բիոլոգիական ֆիլլերը լիարժեք փոխարինում է հիալուրոնաթթվով ֆիլլերին և ունի մի շարք առավելություններ՝

• բարդություններ չի առաջացնում, քանի որ ներարկվող ֆիլլերն օրգանիզմին օտար չէ (հատկապես բացառվում է նեկրոզի վտանգը)
• հիպոալերգիկ է
• հակացուցումներ չկան:

Պլազմոգելի միջոցով իրականցվում է քիթ - շրթունքային ծալքերի շտկում, ճակատային հորիզոնական կնճիռների, այտերի, կզակի հատվածի և աչքերի շուրջ առաջացած մանր կնճիռների հարթեցում, ինչպես նաև դեմքի օվալի ուղղում: Բիոֆիլլերը ոչ միայն հարթեցնում է կնճիռներն, այլև առաջացնում է տեղային այնպիսի փոփոխություններ, որոնք դանդաղեցնում են ծերացման գործընթացը:

Պրոցեդուրան ապահովում է բնական երիտասրադ և թարմ տեսք:

Բիորևիտալիզացիա

Ներմաշկային և ենթամաշկային ներարկումներ՝ հիալուրոնաթթվի և մեզոնյութի հետ համակցված: Հարթեցնում է մանր կնճիռները, մաշկին հաղորդում առաձգականություն՝ միաժամանակ ապահովելով խորը խոնավեցում:

OXYGEN էսթետիկ և բժշկական կենտրոնում կիրառվող բիորևիտալիզանտների մեջ առկա է նաև սաթաթթու (янтарная кислота), ինչն առավել է բարձրացնում պրոցեդուրայի որակը՝ մաշկին հաղորդելով թարմ և երիտասարդ տեսք:

ՄԵԶՈԹԵՐԱՊԻԱ

Ակտիվ նյութերի՝ հիալուրոնաթթվի, հանքանյութերի, ֆոսֆոլիպիդների և վիտամինների կոմպլեքս է, որը ներարկվում է ներմաշկային եղանակով: Կիրառվում է մաշկի տարբեր խնդիրների վերացման նպատակով՝ պիգմենտային բծեր, ցելյուլիտ, կուպերոզ, տոնուսի թուլացում և այլն: Մեզոթերապիան սնուցում և երիտասարդացնում է մաշկը, ապահովում խորը խոնավեցում՝ միաժամանակ դանդաղեցնելով մաշկի ծերացման գործընթացը: