ՈՒլտրաձայնային հետազոտություններ

ՈՐՈՎԱՅՆԻ ԽՈՌՈՉԻ ՕՐԳԱՆՆԵՐԻ ՈւՁՀ

Լյարդի, լեղապարկի, փայծաղի, ենթաստամոքսային գեղձի ուլտրաձայնային հետազոտությունն է, որը թույլ է տալիս ուսումնասիրել որովայնի խոռոչի օրգանների և համակարգերի ֆունկցիոնալ և անատոմիական առանձնահատկությունները։ Այս հետազոտության շնորհիվ կարելի է հստակեցնել բոլոր ներքին օրգանների բացարձակ չափսերը, նկարագրել կառուցվածքը և նորագոյացությունների առկայությունը։ Հետազոտությունն իրականացվում է, եթե առկա են՝

• որովայնի խոռոչում սուր ցավեր
• լյարդի ցիրոզ
• հեպատիտ
• լեղաքարային հիվանդություններ
• խոլեցիստիտ
• պանկրեատիտ
• երիկամների և միզուղիների բարորակ և չարորակ նորագոյացություններ
• աորտայի որովայնային հատվածի անևրիզմա:

Գրանցվել հիմա

ՎԱՀԱՆԱՁԵՎ ԳԵՂՁԻ ՈՒՁՀ

Վահանաձև գեղձի ուլտրաձայնային հետազոտությունը հասանելի, անվնաս և ինֆորմատիվ դիագնոստիկ մեթոդ է, որտեղ բացակայում են ռենտգեն և այլ տեսակի ճառագայթները: Անհրաժեշտության դեպքում կարելի է կրկնել մի քանի անգամ, չունի տարիքային սահմանափակում, կարելի է կատարել հղիներին, երեխաներին և չի պահանջում որևէ նախապատրաստում: Հետազոտությունը տևում է 5-15 րոպե: Հետազոտության շնորհիվ որոշվում է վահանաձև գեղձի տեղակայումը, չափերը, եզրերը, կառուցվածքը, օջախների, կիստաների, հանգույցների, թիրեոիդիտի, կալցիֆիկացված օջախների առակայությունը, պարտադիր հետազոտվում են նաև հարակից լիմֆատիկ հանգույցները:

Հետազոտությունները ցույց են տալիս, որ հաճախ հայտնաբերվում են տարբեր ախտաբանական փոփոխություններ, որոնք որպես կանոն չեն անհանգստացնում,  չեն ցավում և նույնիսկ չեն առաջացնում գործառույթների խանգարում և պացիենտը կարող է երկար ժամանակ չիմանալ դրանց մասին։ Վահանաձև գեղձի հանգույցները 95% դեպքերում ուղեկցվում են առանց գանգատների, երբեմն կարող են առաջացնել կոսմետիկ անհարմարություններ։

Հետազոտությունն իրականացվում է՝

• անկախ տարիքային խմբից
• հորմոնալ դեղորայքի օգտագործման
• հղիության պլանավորման
• մազաթափության
• քաշի անկառավարելի աճի կամ նվազման
• ճարպակալման
• թուլության, մշտական հոգնածության
• նյարդային դյուրագրգիռ վիճակների
• հաճախակի տրամադրության անկման
• ձեռքերի անկառավարելի դողի
• երկարատև սուբֆերտիլ ջերմության՝ 37-38⁰C
• հազի
• անամնեզում ռադիացիոն ճառագայթման գոյացության կասկածի դեպքում:

Գրանցվել հիմա

ՀԱՐՎԱՀԱՆՁԵՎ ԳԵՂՁԻ ՈՒՁՀ

Հարվահանաձև գեղձերը դրանք չորս հատ փոքր, յուրաքանչյուրը բրնձի չափ գեղձեր են, որոնք տեղավորված են պարանոցի վրա՝ վահանաձև գեղձի հետևում՝ յուրաքանչյուր կողմից երկուական, որոնք արտադրում են պարատ հորմոն, որը օգնում է օրգանիզմում կալցիումի քանակի կարգավորմանը։

Հարվահանաձև գեղձի խնդիրները կարող են պատահաբար հայտնաբերվել վահանաձև գեղձի ուլտրաձայնային հետազոտության ժամանակ:

Գրանցվել հիմա

ԿՐԾՔԱԳԵՂՁԵՐԻ ՈՒՁՀ

Կրծքագեղձի ուլտրաձայնային հետազոտությունը թույլ է տալիս ախտորոշել  հետևյալ փոփոխությունները՝ 

• մաստոպատիաներ
• բարորակ և չարորակ գոյացություններ
• ներծորանային պապիլոմատոզի նախնական ախտորոշում
• ծորանների վիճակի գնահատում
• բորբոքային օջախների ախտորոշում (մաստիտ)
• թևատակի լիմֆատիկ հանգույցների վիճակի գնահատում
• ձվարանների գոյացությունների ախտորոշում
• ձվարանների և արգանդափողերի բորբոքային հիվանդությունների ախտորոշում
• փոքր կոնքի խոռոչում հեղուկի կուտակման ախտորոշում 
• հղիություն:

Գրանցվել հիմա

ԹՔԱԳԵՂՁԵՐԻ ՈՒՁՀ

Հետազոտվում են հարականջային, ենթալեզվային և ենթածնոտային թքագեղձերը։ 

Հետազոտությունն  իրականացվում ՝

• գեղձի այտուցի և ուռուցքների տարբերակման համար
• սիալոլիտների ախտորոշման համար
• սիալադենիտների ախտորոշման համար
• սիալադենոզ ախտորոշման համար
• ծորանի լայնացման հայտնաբերման համար
• ուռուցքների ախտորոշման համար:

Գրանցվել հիմա

ԱՎՇԱՅԻՆ ՀԱՆԳՈՒՅՑՆԵՐԻ ՈՒՁՀ

Ավշային հանգույցները տեղավորված են մարմնի տարբեր հատվածներում՝

• ստործնոտային
• ստորկզակային
• ծոծրակային
• վերանրակային
• ստորանրակային
• անութափոսային
• հետորովայնամզային
• աճուկային
• հետծնկային:

Դրանք օվալ կամ կլորվուն պերիֆերիկ իմուն համակարգի օրգաններ են, որոնք կատարում են երկու պաշտպանիչ ֆիլտրի դեր՝ արյունը մաքրում են ախտածին մանրէներից, վիրուսներից, սնկերից և պատնեշ են ուռուցքային բջիջների համար։ Ախտաբանական փոփոխությունների ժամանակ դիտվում է չափերի մեծացում, պնդացում, ոչ բնորոշ ձև, սինուս-կեղև դիֆերենցիայի փոփոխություն։ Ավշային հանգույցները մեծանում են բարորակ (ռեակտիվ, պոստռեակտիվ), չարորակ և մետաստատիկ ախտահարումների ժամանակ:

Գրանցվել հիմա

ՓԱՓՈՒԿ ՀՅՈՒՍՎԱԾՔՆԵՐԻ ՈՒՁՀ

Հետազոտվում են մակերեսորեն տեղակայված փափուկ հյուսվածքները, մկանները, ենթամաշկային ճարպաբջջանքը։

Հետազոտությունը կատարվում է մակերեսորեն տեղակայված շոշափվող գոյացությունների բնույթը պարզելու նպատակով։

Գրանցվել հիմա

ՏՂԱՄԱՐԴՈՒ ԿՈՆՔԻ ՕՐԳԱՆՆԵՐԻ ՈՒՁՀ

Հետազոտվում են.

• միզապարկը
• շականակագեղձը
• սերմնաբշտերը
• սերմնաթմբիկը
• միզուկի  ներգեղձային հատվածը։       

 

Ցուցումներ՝

• կոնքի շրջանում տհաճ զգացողություններ
• միզարձակության խանգարումներ
• մեզի կամ սերմի մեջ արյան առկայություն
• սեռական օրգանների զարգացման անոմալիաներ
• շոշափման ժամանակ հայտնաբերված գոյացություններ
• վերարտադրողական ֆունկցիայի խանգարումներ:

Գրանցվել հիմա

ԱՆՈԹՆԵՐԻ ԴՈՊԼԵՐ-ԴՈՒՊԼԵՔՍ ԵՎ ՏՐԻՊԼԵՔՍ ՈՒՁՀ

Անոթների դոպլեր-դուպլեքս հետազոտությունը դա օրգանիզմի բոլոր անոթների ուսումնասիրությունն է, որի ընթացքում բժիշկը կարողանում է տեսնել անոթը և այն ամենն ինչ կա անոթի ներսում՝ ներառյալ անոթի պատերի վիճակը: Հետազոտության շնորհիվ հնարավոր է տեսնել թե, ո՞ր ուղղությամբ, ինչպե՞ս և ի՞նչ արագությամբ է հոսում արյունը և կատարել չափումներ, որոնք համեմատելով գոյություն ունեցող նորմաների հետ, որոշվում է ախտահարման տեսակը և չափը։ Կատարվում են անոթների դոպլեր-դուպլեքս-տրիպլեքս հետևյալ հետազոտությունները՝

• ստորին վերջույթների մագիստրալ անոթների ախտորոշում (ոտքեր)
• վերին վերջույթների մագիստրալ հետազոտություն (թևեր)
• գլխի էքստրակրանիալ մագիստրալ անոթների ախտորոշում
• որովայնի խոռոչի մագիստրալ անոթների ախտորոշում:

 

Զարկերակներով օրգաններն ու հյուսվածքներն են սնուցում ստանում, իսկ երակների և լիմֆատիկ անոթների միջոցով տեղի է ունենում նյութափոխանակության արգասիքներով հարուստ արյան հետհոսքը դեպի սիրտ։ Այս համակարգերից յուրաքանչյուրում կարող է առաջանալ խնդիր, ախտահարում, որն էլ պարզվում և ախտորոշվում է դուպլեքս հետազոտությամբ։

 

OXYGEN էսթետիկ և բժշկական կենտրոնն աշխատում է TOSHIBA  ֆիրմայի վերջին սերնդի արտադրության սոնոգրաֆիկ սարքով, որը թույլ է տալիս ուսումնասիրել օրգանները և հյուսվածքները՝ բացառապես նոր մակարդակով: Շնորհիվ նոր և կատարելագորված ռեժիմների կիրառման, ինչպես նաև պատկերի հստակության և բարձր տեսանելիության, այս սարքի միջոցով հնարավոր է առավել շատ և որակյալ  ինֆորմացիա ստանալ, ինչն էլ թույլ է տալիս բուժող բժշկին իրականացնել ճշգրիտ բուժում։

 

Սարքն անոթների հետազոտության համար բացի դոպլեր և դուպլեքս ռեժիմներից ունի նաև տրիպլեքս ռեժիմ։ Այս ռեժիմը թույլ է տալիս գտնել անոթների ախտահարված հատվածները և հենց այդ հատվածում կատարել չափումներ։ Ընդունված է անոթների առավել ճշգրիտ ախտորոշման համար անցնել նաև KT-անգեոգրաֆիկ հետազոտություն։

TOSHIBA 200 նորագույն սարքի միջոցով անոթների խնդիրները, հիվանդությունները գրեթե բոլոր դեպքերում հնարավոր է լիարժեքորեն ախտորոշել դոպլեր-դուպլեքս և տրիպլեքս հետազոտությունների միջոցով, որոնք ի տարբերություն KT անգեոգրաֆիկ ախտորոշման կատարվում են ավելի արագ և ոչ ինվազիվ (չի ներարկվում կոնտրաստային նյութ, որը կատարվում է KT անգեոգրաֆիկ հետազոտության ժամանակ)։  Բացի այդ սոնոգրաֆիկ հետազոտությունները կարելի է կրկնել, քանի որ չկա ճառագայթում և այն եռակի անգամ մատչելի է։ Սոնոգրաֆիկ ախտորոշումով հայտնաբերվում են ոչ միայն աթերոսկլերոտիկ վահանիկները, այլ նաև գնահատվում է դրանց կազմությունը, տեսակը, ճշտվում է արյան հոսքի արագությունը և ուղղությունը։

Գրանցվել հիմա